نحمد اللي مثبتِ فينا العقول=والعقل نعمه وربي نشكره
كل عاقل مسؤل مافيها جدول=وكل رب أسره يحصد مابذره
لعنبو وقتِ به الدنيا ميول=ياحيات الذل شفنا المسخره
المظاهر والرفاهه والفضول=في شباب اليوم تزرع بصغره
والجهل له دور بقلوب الخبول=ميتِ قلبه وعينه مبصره
لحيه وشارب وزند بعرض طول=جسم ثورِ داخله قلب ابقره
الرجل فيهم تمياع وخمول=لبس جنز وحالقِ نص اشعره
الله يكرمكم مايسو نعول=ما يعرف يده اليمين من ايسره
كل ليله لي لدانه بالطبول=وصوتهم مثل البلابل باشجره
وقلبوها رقص دسكو ليل مول=يقلدون الغرب غزو المكفره
وبكل موقع مشتبه تلقى الحثول=هستره في هستره في هستره
بالشوارع مثل مجنونِ يجول=ومعه شله كلبوهم مبزره
وفوق هذا مدمنِ شرب الكحول=ويتعاطى كل نوع يخدره
وعزي الأبنتِ تزوجها امهبول=لستكن منفوخ في وسط اكفره
تبغي يسعدها ويشتال الحمول=لاكن الحيوان لقاها اظهره
دايمِ في وجهها يصرخ زعول=ولا يعبرها ودايم يحقره
وسكرت في وجهها كل الحلول=تكسر الخاطر ولاحدن يجبره
وفتحو لبليس بيبان الدخول=وسوس الشيطان في عقل المره
وكشفة عن وجهها الغض الخجول=وسارت بدرب الظلام وبحفره
وكلها من سبته ضاعت لأحول=دمره ياجعل ربي يدمره
ومن حياته مل زهقان وملول=وصار يبحث عن طريقِ يعبره
والفريسه صار طعمِ لنغول=سهلِ أغوائه وسهل تجرجره
بالمياه العكره أتصاد العجول=شلة التكفير عقله تسحره
وبالبد ايه قد موله صحن فول=وخبزتِ كلها وسدة حنجره
عيش وملح وكل ماتطلب سهول=تطلب الف ريال نعطيك أعشره
وبرمجؤ مخه هل الفكر الضلول=قالو حنا أهل الوجيه المنوره
كان تبغي الخير وهمومك تزول=والذ نوب عنك إلاهي يغفره
وجنتِ فيها على كيفك تصول=وحور عين ونهر لذه باخمره
والشهاده له طريقِ للوصول=في سبيل الله اعمالك مثمره
ومع طريق الخير في وجهك قبول=عاهد اخوانك ومثلك مظفره
قس قلبك يابو القلب الصمول=وحارب الكفار ماشي تخسره
غرروبه وغسلو مخه غسول=اصغر امجاهد الله ما أكبره
البس احزام الشهاده لنزول=والله أكبر روحك عطر المقبره
فجر المبنى أطفال وكهول=لو ابوك وامك بوسطه فجره
ديننا وصى عليه أفضل رسول=والمعاهد في امانِ يستره
وش نقول وش نخلي وش نقول=في شباب اليوم راحوا بخبره
ويلهم لازلزلت ذيك السهول=والجبال اتحن ويذوب أحجره
في نهارِ يذهل العاقل ذهول=وكل كافر في جهنم يحشره
عند رب البيت أحسابه غلول=والعمل من خير او شرِ يره
ياشباب انتم ضحيه لسفول=وانتم للأ سلام أكبر مفخره
حاربو الارهاب ياعيال الزحول=والوطن روحك فداء لاتذخره

ماني على خبرك تغيرت يا سعـــــود=حتى الشكل لو تنظره ما عرفتـــــه

حالي نحل والجسم فيني غدى عود=وسرٍ بقلبي ماقويته كشفـــــــــــته


كنت احسب اني والفرح يوم موعود =حلمي اشوفه وارتجي منه لفــــته


اثري الامل كذاب و لاله وجــــــــــــود =واللي انتظرته مرني مير طفــــــــــته

أحس عمري بالزمن صار مــــــــــعدود=و ياسي بروحي أختنق ما وصفـــــــته

حتى الصبر عندي وصل لاخر حـــــــدود=و لو ينذكر بالناس كان استلفــــــــــته

الله يا كفٍ لك اسنين ممــــــــــــــــدود=كتبت عمرك للقصيـــــــــــــــد وعزفته

و قلبي كثر ما كان بالناس محســـــــــود=حـمّـــلته الـصدمات حتى تلـفتـــــــــه

المشكله كل درب امشيه مســـــــــدود= واعظم طموح ٍ للسعاه عسفــــــــــته

ومن خفت يلحقني من البيض منقــــــــــود= حايلت ذنب الحب حتى اقترفــــــته

نوب اطرد همومي ونوبات مطــــــــــــــرود= اضحك ولا ادري بجرحٍٍ نزفتـــــــــــــــــه


كل مااقول تهون اشوفها تــــــــــــــــــزود= و لاعــــاد به ياكود دمع وذرفــــــــــته

لا ارتحت بالممشى و لا ارتحت برقــــــــود=لكن تبين لي غُموض اكتـــــــــشفـــــــته


(عمر البــــــــــــشر لو طال ما يوصل خلودّ= و اللي يهاون دنيته ما نصفــــــــــــته )

اضحك مع العالم وضحكي على شان=أخفي هموم ٍ وسط صدري مقيمات
خذو كلامي وافي ٍ دون نقصان=أجر وناتن وتبني لها أبيات
على الذي قفى وأنا حيل شفقان=ضيقبي الدنياء وسبع السموات
أمس العصر قفى على جيب صنيان=جيب ٍ سعودي صانعينه خواجات
البدي كنه وجه ضبي ٍ ليا بان=لاوالله إلا كوكب ٍ بالمجرات
أما المكينه صوتها صوت فنان=(هيه أكتبي في صفحة العمر مافات
وليا نطحته كنه الذيب سرحان=ماجاته اللبوه على غير مشهاات
وليا أقتفيته حاكمن كل الازمان=حاكم يحب الناس والناس ماجات
مصممن للي مطنطخ وفسقان=ماله مع الدرويش بيعه وشريات
هذا وصوف الجيب والجيب نسيان=اللي خذا خلي ولاني بشمات
مير المصيبه دمعة ٍ وسط الاعيان=عيت تهل وزادت القلب دقات
خذو كلامي وافي ٍ دون نقصان=أجر وناتن وتبني لها أبيات
من باح همه للعرب بات مرضان=وليا سكت ضاقت عليه الوسيعات

عشر ٌ من الله في رمضان ميزها=الفضل فيها وآيات ٌ من الكرم ِ
فليلة ٌ القدر فيها كنز قائمها=من الف شهر ٍ فشدو العزم بالهمم ِ
سعادة القلب في عشر ٍ نقوم بها=فراحة الروح ِ تنسي وقفة القدم ِ
يا ويح عبد ٍ نساها او تجاهلها=فبعدها لم يعد في العمر من ندم ِ
كفاك يا عبد للدنيا تداعبها=كفاك حبا ً لها ابلاك بالسقم ِ
لله فاحمد بأن الروح امهلها=لم تنزل القبر لم يفنيك ِ بالعدمِ
قف وابسط الكف مرفوعا ً بها يدها=خوفا ً من الله ذو السلطان والنقم ِ
ناجيه بالعفو ان العفو منزلها=وتــُـبّ الى الله في معنى من الألم ِ
رمضان في العشر نادى من يفوز بها=جنات عدن ٍ بها ياخير مزدحم ِ
خواتم الشهر تدعوكم لياليها=طوبى لمن قد اتاها حالف القسم ِ

يا بنت يالي تطلبين الصداقه=قصدك أعجاب أوحدك الوقت بظروف
قالت أنا مسترجله بنطلاقه=مثل الرجال بالسوق ترقيم بحروف
قلت أهجدي لعطيك كفن طراقه=تبطين وخدك فوقه الشاش ملفوف
قالت أبليز وشفيك كلك حماقه=الوضع حريه بلا قيد وكتوف
تعشق مره مثلك أكون علاقه=عشق النسا لبعض النسا يبري الجوف
أنته خشن وأنا حنونه أرقاقه=أسمي مره بس أبعبايه ونفنوف
صحصح وراسك شيل عنه الطباقه=والظاهر انك ماتعرف أم شفشوف
أنا الفحل ليلى علومي دقاقه=والي مثل جنسي من أبها إلى الجوف
والخافي أعظم بالمدارس ذواقه=شف مي شف غاده تحدن على نوف
وقبلك تعب زوجي وثلث طلاقه=وحرم جميع البيض من قلب وعزوف
حنا نسا نعشق بعضنا عشاقه=ومانخاف من هيئه ولا أمرِ بمعروف
وبالسوق لوشفتك لأسوي خناقه=وأبلغ الهيئه إذا شفتك تحوف
هذا زمان العولمه واللباقه=وما ناقص إلا نركب أشنابن أعكوف
وأجيك بكره محترفتن بالسواقه=وأركب على الفيكسار وعيونك أتشوف
وأبطلع الرخصه وأقص البطاقه=وبنت الهواء قدام وبالبنك مصروف
وأقول له يانوف تبغين حاقه=ليلى تحبك يابعد كل ملقوف
لو تطلبين الشام وإلا عراقه=ليلى على الفيكسار لعيونك أطوف
والرجل لا شفناه نبغي أفراقه=وكانه مخفه نزيده أجنان وخفوف
وحاولت ألطف جوها في رواقه=وهدي الموضوع وبداخلي خوف
يابنت وش هالزين وش هالأناقه=مالوم ليلى دام عشاقها ألوف
يابنت هذا الوقت مابه رفاقه=وقتِ به الأحباب بالف ومبلوف
وأحدِ غفت عينه ونومه سراقه=وأحدِ غطس بالنوم من فوقه الحوف
ويابنت بهدي لك من الورد باقه=وأعلمك وشلون خافي ومكشو
وبهدي لك أصخلتين وحوار ناقه=وأخلي الجمهور يصفق لك أكفوف
وأعطيك يارايق من الجو راقه=وأبعثر أوراقك وأمهد لك أجروف
تبغي تعلم بروس المجنن حلاقه=وإلا تغني أغنية جورج وسوف
شكلك غشيم وصرتي مثل لعلاقه=يا بنت مروا غيرك ضيوف وضيوف
وبان المخفى وأنكشف ستر ساقه=وبناتنا وشبابنا عزوف ودفوف
كيف المره تعشق مره يا رفاقه=والجنس الرابع بالنسا صارمألوف
هذي مصيبه أو مرض إعتناقه=أوعيب فينا أوغزا الغرب بسيوف
أوفايروس فلونزا الطيور أنتشاقه=صاب الحريم وصارن أذكوروجلوف
وآخرزمن بنات حواء إعاقه=ولاعمهن فيهن شريفات وعفوف
شاعرغيور وزاد فيه إحتراقه=أقولها وأنا من الوقت مكسوف
وأمحق سنه يا لعنبوها صداقه=مسترجله ليلى ولا عندها ظروف

يابنات الفكر وينك ترى بشره عليـك=لاتونيتي ونا نسل ابـن جمـة علـي
خابرك منهل جزايل ونا منـك وفيـك=والمعاني في رياضك تفيض وتمتلـي
نقي ابكار المعاني من ابحور(ن)تجيك=واحتميها من جميع الهوافـي واعتلـي
افعميها بالجزايل ونـا اللـي بحتميـك=وجعلي متذوق الشعـر همـه ينجلـي
ياهجوسي بانتخيبك لأنك لـي شريـك=انضمي جزل المعاني وجيبي واسألـي
ارقي العليا ونا ياهجوسـي بارتويـك=من ينابيـع المعانـي تجيلـك بالدلـي
الشعر لاصار واضح ولا ياتي ركيك=يشفي اهل الذوق قافـه لمنـه رتلـي
والمصيبه كان صارت بيوته هيك هيك=مثل من يرجي سراب القوايل بالخلـي
شفت شعار الجزاله خذت فاصل بريك=وشفت شعار الحداثـه تجيـب مقولـي
والله ان الفرق شاسع بهذي بعـد ذيـك=الجزاله تشتكي من لصـوصٍ تنشلـي
من خذا كلمه لغيـره ودونهـا بشيـك=ثم صرفها عند صرافها اللـي يجهلـي
قلت له لاصح قولك ولاسلمـت يديـك=ليش تنسبهـا لنفسـك وتنسـى لولـي
الجزالـه للمطاليـق والهزلـه تبيـك=الجزالـه ماترومـك تـدور للشـلـي
عزتي لك ياالشعر من إنـاس تدعيـك=وانت فيها باخر الوقـت والله مبتلـي
كان هذا الوقت خلا الملقـف تبتليـك=لاتخاف الوقت دوار وانـت المعتلـي
وفي ختام الهرج باقول صلى الله عليك=يانبـي باالرسالـه رسـولٍ مرسلـي

في خطوة تهدف إلى دعم المبدعين ورعاية المواهب وتقديمهم إعلاميا تم مساء أمس الموافق 24 /8/2010 توقيع اتفاقية تعاون مشترك بين كلا من صحيفة هماليل الأدبية والمنتدى الرسمي لمعالي علي بن سالم الكعبي، تصبح بموجبها صحيفة "هماليل" الأدبية الراعي الإعلامي للمسابقة الشعرية التي ينظمها المنتدى الخاص بمعاليه ، وتتضمن الاتفاقية إصدار "ملف خاص" بالمسابقة ضمن عدد الصحيفة الذي سيصدر في 15/9/2010 م المتزامن مع معرض الصيد والفروسية بابوظبي ، يتكون الملف من 16 صفحة وبغلاف صمم خصيصاً للمسابقة ، كذلك ستقوم الصحيفة بتخصيص ركنا خاصا بالمسابقة في القسم الخاص بالصحيفة في المعرض إضافة لـ (بنرات) إعلانية ضمن ركن الصحيفة،كما ستقوم الصحيفة بطباعة كمية كبيرة من أسطوانات CD للخمسة الشعراء الأوائل توزع مجانا على زوار المعرض ،
يأتي هذا الاتفاق كخطوة أولى للتعاون المشترك والذي ستعقبه خطوات أخرى دعما ورعاية للشعراء والمواهب الصاعدة وهناك المزيد من المفاجآت سيعلنها المنتدى الخاص بمعالي علي بن سالم الكعبي خلال الفترة القادمة تتضمن فعاليات ومسابقات شعرية على أرض الواقع وصفحات المنتدى .

الجدير بالذكر ان المنتدى رصد جوائز نقدية مجزية للمشاركين وهدايا قيمة محفزة من شانها أن تجتذب الكثير من المبدعين والمشاركين الجادين .
وقع الاتفاقية عن "هماليل" سعادة /خالد العيسى رئيس مجلس الإدارة رئيس التحرير ومن جانب المنتدى الشاعر والإعلامي حسين بن سوده مشرف عام الموقع