تدري وش اللى فى غيابك تعلمت ... إن الفراق أصعب من الموت لاجاك

[راشد الفهيد]

حطيت له بالقلب منزل وبستان ... وسوره بنيته من الغلا فى يديني

[راشد الفهيد]

هذا شهر عدى ولا شفت زوله ... والحال ينقص والسبب مقدر انساه

انا بدوله والغضى وسط دوله ... واللى مصبرنى على البعد ذكراه

له منزلن بالقلب محدن يطوله ... واسمه مع دم الشرايين تلقاه

اهوا حبيب القلب واهوا ميوله ... لامر طيفه فز قلبى وحياه

حتى الحواس الخمس تسأل وتووله ... وتقول وين اللى نحبه ونهواه

ودى بشوفه وألتقي به وأنوله ... بس الزمن يفرض علينا سواياه

لاكن بقبلى شى لازم أقوله ... وأبيك تفهم كل كلامى ومعناه

مهما يروح الوقت عرضه وطوله ... تبقى الحبيب اللى نحبه ونبغاه

[راشد الفهيد]

جيتك بكل الحب والشوق واغليت ... وانتى تمنيتك لقلبى عشيره


لاشك خاب الظن واليوم صديت ... بنساك لو طالت على المسيره


ماكان ودى نفترق لين حسيت ...انك قليل احساس مافيك غيره


نسيتنى ولا بطبعك تناسيت ... واللى حصل من بيننا وش مصيره


هذى ثمان ايام من يوم قفيت ... مدرى علامك هقوتى مستخيره


فى ذمتك مايوم فالبال مريت ... وماعاد لى وسط الحشى اى سيره

[راشد الفهيد]

ابسالك بالله طيفي يمرك ... ولامسحته من خيالك والافكـار

[راشد الفهيد]

شفت المكان اللى جلسنا به العام ... اليـوم جالس فيـه لكن لحالــــى

[راشد الفهيد]

لاتفكر انك على صدك تعذبنى...رح وكل الله ترى مانى بمحتاجك

خلاص شلتك بعد ماكنت مشغلنى...وارتحت انا اليوم من طاريك وازعاجك

لاتحسب ان صدك وغيبتك تزعجنى...كرهت حبك وتفكيرك ومنهاجك

وان مر يوم ٍ عليك انك تذكرنى...لاعاد ترجع تراك اتزود احراجك

تشوف نفسك على ولا تكلمنى...غرك جمالك وغرك زيف مكياجك

هذى سبايبك يوم انك تقاطعنى...وهذى سواتك وهذا كله انتاجك

من اولن طيفك ليا مر يسعدنى...واليوم عندى طفت شمعتك وسراجك

[راشد الفهيد]

والله ماغيرك له القلب سلمت ... ورهنت عمرى بايع الناس لرضاك


لاشك تالى الوقت عفت وتندمت ...على ليال ٍعشتها بس وياك

[راشد الفهيد]

تدري وش اللى فى غيابك تعلمت ... ان الفراق اصعب من الموت لاجــاك

[راشد الفهيد]

جبرني الوقت وأتعبني وذوقني من أمراره ...مانام الليل بفراشي سِـهيـر وحالتي حاله

ماغير أصارع أفكاري وقلبي مولعن ناره ...أسير الحزن والضيقه وحالي صار يرثاله


تصدق لو تجي تسأل قصيدي وشهي اخباره ... يقول الغالي الغالي سبب همه وغرباله

بكت الاشعار من حزني بكت داري بكى جداره ... بكى حبر القلم مني ودمعي قام يبراله

مصيبه حتى جواله بعدْه انطفيت انواره ... عقب ماكان يستانس ليامن صوتها جاله

[راشد الفهيد]

صوتك ليا من غاب عني تـأذيت ...قربك منى نفسي وبعدك مصيبه

يكفي بأني أول انسان حبيت ... وأني ملكت القلب وأني حبيبه

ويكفي بأنك وسط قلبى تعليت ... وأنك علاج القلب وأنك طبيبه

بقولها حتى لو أني تماديت ... كل البشـر أغراب وأنتى قريبه