كبّيت من عيني يجي وزنكـ ادموع
......................... وعطيت من قلبي لكـ الصدق كلّه !
اسنين انتظركـ مهو يوم واسبوع
......................... قولّي بعد عينكـ اباعيش منلّه !
وشم الفراق بوجه الأيام مطبوع
......................... مارتحت في بعدكـ لو اقول والله !
قلبي على خبركـ لهالحين موجوع
......................... وصوت الحنين بكل الاحوال سلّه !
صوتي بعد سمعكـ غدى غصب مسموع
......................... برد الجفا يا ولد الأجواد شلّه !
تعال بحطب لكـ من ضلوعي اضلوع
......................... ودّي عدوي ان شافنا زاد غلّه !
الثلج لو انفخ كذا جمبه ايموع
......................... ويرد يتجمّع لو ايديكـ شلّه !
ودام العتب من بين الأحباب مرفوع
......................... ماظن نتفارق على أدناة زلّه !
رحم الغلا باقي ولاهو بمشلوع
......................... لو صابني بالبعد مليون علّه !
تعال وأضويلكـ من عيوني اشموع
......................... ودوكـ الخفوق بحلو الاحساس بلّه !
تعال يا رايح وعوّد لي ارجوع
......................... وارجع مثل اوّل لهالقلب ظلّه !
لكّن طلبه لا تكررها آرووع
......................... منهو بعد عينكـ أباآعيــش منلّه !
القرآن المسموع
ماظن نتفارق على ادناة زلّه !
العرض العادي
