[ أوطى من الشفره على القاع : ]

فواز الفهيد · 07-29-2010, 08:24 AM

تحيه طيبه لكم جميعاً !

بدايةٍ :

يشرفني ان اكون احد اعضاء هذا الصرح الشامخ واتمنى ان اكون عند حسن ظنكم جميعاً
والشكر موصول لـ من قدم هذه الدعوه ..
وأليكم هذه القصيده المتواضعه كـ مصافحه اولى لكم هنا بـ منتديات اوزان الأدبيه ..

ويطيح من عين ... الهقاوي كثيرين !

.................. وأقول ... ياعيني ... تراها هقاوي !

ماغيرت نظره ... ولاكحلت ... عين !

.................. و لاريحت بال الغريب ... الشقاوي !

يكفي عرفتيهم ... و صرتي تشوفين !

.................. ناسٍ تحسب الطيب ضحك وحكاوي !

لاتغورق دموعك ... و لا تستضيقين !

.................. النعم كايد ... والسوالف .. مناوي !

واللي يقول ان المواقف ... براهين !

.................. وانه حكاية طيب .. من دون راوي !

وش هي مواقيفه / او اقول تدرين !

.................. مايستوى طير الرخم ... والنداوي !

كانه ... يبي منك تجين .. وتهلين !

.................. دمعك ... ويقرا في دموعك رجاوي !

يبطي ويدري عن ترجيه ... تبطين !

.................. لو أخسر عيوني / بـ دربٍ خلاوي !

منتي نظر منهو ضعيّف ومسكين !

.................. ولنتي عيون اللي من العز / خاوي !

لدي شبوحك لـ السما .. لاتلدين !

.................. يم الغوا اللي يتبعه .. كل .. غاوي !

اوطى من الشفره على القاع / شخصين :

.................. بخيل جاه ... وشاطراً بـ الدعاوي !

تسمع سوالفهم / سوالف سلاطين !

.................. وأفعالهم ... طخ البنادق / سماوي !

مثل النخل / ظله يظلل لـ الأقصين َ!

.................. والا القريّب تحت شمسه .. يلاوي !

هذا الصحيح اللي عرفتيه / ياعين !

.................. يابعد مابين ( العزا ) و ( العزاوي ) !

فـ !

ناعم العنزي · 07-29-2010, 09:52 AM

ويطيح من عين ... الهقاوي كثيرين !

.................. وأقول ... ياعيني ... تراها هقاوي !

اولا حياك الله اخوي فواز

وفواز شاعر لايختلف عليك عشره ماهو اثنين

صح لسانك مدد لاعدد واعتلا شانك كثرهم

تقبل مروري

دمت الف خير

سعود الجوفان · 07-29-2010, 01:34 PM

يامرحبا ومسهلا بفواز الفهيد

الله محييك ياغالي

الشكر موصول لمن قدم لك الدعوه

هو كريم وانت تشرف وتجمل يالشيخ

صح لسانك على المصافحه الطيبه

لاعدمنا تواجد

تحيتي

راشد الفهيد · 07-30-2010, 04:41 AM

فواز الفهيد

ياهلا ومرحبا فيك

والساعه المباركه وجودك بينا ..

ابيات رائعه ومعبره

صح السانك مدد

تحيتي

النايفه · 08-03-2010, 04:29 PM

نص بغاية الجمال اخوي فواز .......... صح بوحك ونزفك الجميل

ودي واحترامي .......... النايفه

ضامي · 08-05-2010, 02:28 AM

صح لساااانك

ابداااع وتميز

بنتظار الجديد

ســــاره · 08-05-2010, 04:34 AM

فواز الفهيد

لله در حرفكـ ..

مبدع .. وممتع ..

مصافحه راااقت لي كثيرا ..

دمت بـ ابداع ..

ســــاره

وسِم · 08-05-2010, 05:20 AM

حياك الله بينا وصح لساااانك مدد بلا عدد

نص اكثر من رائع ..الله يزيدك من فضله و الى الامام دائما

محمد المتعب · 08-05-2010, 05:49 PM

اقتباس:

المشاركة الأصلية كتبت بواسطة فواز الفهيد